A Travellerspoint blog

mind-made ghosts

overcast

Cuddle.jpg

kung may sagot lang sana ako sa bawat tandang pananong mo ay di ka na magtatampisaw sa pag-aalinlangan.

hindi ko man kayang ipaliwanag sa iyo ang lahat, gusto kong sabihing naiintindihan kita. sadya yatang dumadating ang mga sandaling humaharot ang buhay kaya't nahihilo tayo at nababalisa. hindi ka lang sanay o marahil hindi lang ako sanay na ikaw ang aligaga. madalas kasi ay sa akin nagpapasasa ang pangamba. pakiusap kong ikaw na ay pumanatag dahil hiritan mo man ako ng ilang pasikot-sikot, wala kang mapipiga -- uulit-ulitin ko lang ang pasubali kong mahal kita.

iyon din naman ang himutok ko sa mundo; kung bakit at paanong nabubuo ang ibang tandang pananong nang walang ipinapanganak na sagot.

nawari mo na bang kahit kailan hindi ko nilisan ang langit mo? hindi ba't sabay nating binibilog ang buwan nang masakyan nating mahusay ang alimpuyo ng mga alon? ano pa ba ang ibig mong matanto gayong parehas lang na paminsang sinisira ng pangungulila ang ating mga ulo; pantay lang ang mga utak natin na inaaagiw at nilulumot. kaya sumasamo akong huwag ka magpapagupo. mabangis man ang espasyong masalimuot at kahit pa pinapraning din ng panahon.

para sa iyo, nagtatapangtapangan akong hinahamon itong buong uniberso.

Posted by petiks 00:16 Archived in Philippines

Email this entryFacebookStumbleUpon

Table of contents

Comments

Galeng...

by parteeboi

wala akong masabi.. nananalaytay sa iyong dugo ang pagiging makata at saludo ako sa iyo..

by takipsilim

This blog requires you to be a logged in member of Travellerspoint to place comments.

Login