Philippines

issues, issues at issues pa! issue pa rin hanggang ngayon?

.red jacket issue.
.acw issue.
.queues issue.
.payout issue.
.schedule adherance issue.
.incentives issue.
.metrics issue.
.at kung anek-anek pang issue.

puro reklamo, puro issue, eh ano bang ginagawa nyo?? hindi ba't may kasalanan din kayo kung bakit nagkaka-issue? tapos kung magsalita kayo akala nyo kayo ang nasa tama at kayo ang api?! eh naknang tokwa! ayusin nyo muna kaya trabaho nyo?? sa lagay kasi eh dinadaya nyo yung sistema. dinadaya nyo sarili nyo at mga team mates nyo pagkatapos pag naputukan kayo sa mga kamalian nyo nagagalit kayo! ako kaya yun?? hindi naman ako nagmamalinis o kung ano man, may mga kanya-kanya tayong diskarte sa pag-petiks pero wag naman sana kayong lantaran at barubalan na pati ibang tao ay naapektuhan na.

naiinis ako sa mga taong, kaya nilang lokohin ang sistema pati ang team mates nila eh... amf! magpapalog-in ka sa kung sino para hindi ka ma-late?? mag-aACW ka ng matagal para iba ang magtake ng calls na naka-queue? gagawa ka ng kung anong magic para umayos ang lucent results ng stats mo para hindi barubal ang AHT mo?? ano ba naman yun?! lekaaat eh pare-pareho lang tayong nagtatrabaho ah. oo nga't hindi na ako nakikipagtalo sa mga irate na pax na yan at hindi ko na nararanasan ang mga long hold time chorva.. pero lekaaaaaaaaat higit pa dyan ang naranasan ko nun, nung muntik na ma-dissolve ang team. umangal ba ko?? nagreklamo ba ko?? dinaya ko ba ang sistema??? hindee! dahil lekaaat sarili ko, sked ad ko, stats ko ang naging punching bag nun. kaya bwiseeeeet ang lahat ng madadaya at nandadamay ng iba!

umayos nga kayo!

• *damn! i need to air this out... its killing me**

hindi naman siguro ako mumurahin ng buong mundo kung milyong beses kong sabihin at sa iba't ibang paraan ko aaminin kung gaano kita kamahal. mahal kita, walang kupas yun!

kung maririnig mo lang
kung mabibilang mo lang
ang dami ng beses
na titibok
itong puso ko
sa isang buong araw
maaari na
manggilalas ka
at marahil
hindi ka makakapaniwala
kung ilan daang libong ulit nya
binabaybay nang pahiyaw
ang iyong pangalan.

kung may sagot lang sana ako sa bawat tandang pananong mo ay di ka na magtatampisaw sa pag-aalinlangan.

hindi ko man kayang ipaliwanag sa iyo ang lahat, gusto kong sabihing naiintindihan kita. sadya yatang dumadating ang mga sandaling humaharot ang buhay kaya't nahihilo tayo at nababalisa. hindi ka lang sanay o marahil hindi lang ako sanay na ikaw ang aligaga. madalas kasi ay sa akin nagpapasasa ang pangamba. pakiusap kong ikaw na ay pumanatag dahil hiritan mo man ako ng ilang pasikot-sikot, wala kang mapipiga -- uulit-ulitin ko lang ang pasubali kong mahal kita.

iyon din naman ang himutok ko sa mundo; kung bakit at paanong nabubuo ang ibang tandang pananong nang walang ipinapanganak na sagot.

nawari mo na bang kahit kailan hindi ko nilisan ang langit mo? hindi ba't sabay nating binibilog ang buwan nang masakyan nating mahusay ang alimpuyo ng mga alon? ano pa ba ang ibig mong matanto gayong parehas lang na paminsang sinisira ng pangungulila ang ating mga ulo; pantay lang ang mga utak natin na inaaagiw at nilulumot. kaya sumasamo akong huwag ka magpapagupo. mabangis man ang espasyong masalimuot at kahit pa pinapraning din ng panahon.

para sa iyo, nagtatapangtapangan akong hinahamon itong buong uniberso.

sa totoo lang nakailang pilas na ako ng papel. pudpod na din ang tasa ng lapis. puno na ang utak kong gusto nang humimbing ngunit bago ako mahimlay ilalabas ko itong umaapaw sa isip. nakapagtatakang kahit ilang daang tula at sanaysay o kahit pa simpleng pangungusap na ang naialay sa'yo ay di yata ako mauubusan ng sasabihin, sapagkat taglay mo ang kapangyarihang akitin ang diwa kong milyong parilala ang nais iparating. kahit ilang salita pa ang sa puso ko'y magsumiksik, iisa lang ang damdamin na kanilang ipinahihiwatig.

mahal kita at dahil sa'yo ay nagkakaroon ng katuturan ang mga ordinaryong titik at nagkakabuhay ang bawat paghalik ng lapis sa papel.

***the perfect words never cross my mind, 'coz there was nothing in there but you***