patay-sindi

patay-sindi
na para bang kidlat sa akin ay gumuguhit
at sa langit ang buhos ng ulan ay tumitindi

patay-sindi
itong sumpong sa utak kong pinipilit
na amuhin ay lumalaban at humihindi

patay-sindi
ang damdamin kong nanggagalaiti sa galit
sinasadyang saliwan at sabayan pa ng sakit

patay-sindi – hindi ko rin mawari kung bakit
mas nanaisin ko na lamang mamatay
ang lagablab ng puso kong pinapaso ako sa init